Tambutsong maingay ibabawal

Tambutsong maingay ibabawal
Updated April 23, 2009 12:00 AM


MANILA, Philippines – Para hindi madagdagan ang noise pollution,
isinusulong na ngayon sa Senado ang Senate Bill 3094 o Anti-Muffler
Modification Act na naglalayong ipagbawal ang maiingay na tambutso ng
sasakyan.

Mistulang naririndi na si Senator Miriam Defensor-Santiago, awtor ng
panukala, sa mga maiingay na tambutso o naka-modified ang muffler kaya
nais niya itong ipagbawal.

Ayon kay Santiago, walang dahilan para paingayin pa ang tambutso ng mga
motorsiklo at iba pang kahalintulad na uri ng sasakyan dahil
nakakadagdag lamang ito sa noise pollution.

Nakakabulahaw rin aniya sa mga residente ang mga motorsiklong gumagamit ng maiingay na tambutso o ipina-modified ang muffler.

Posible rin aniya na pinagmumulan ng aksidente ang malakas na tunog
lalo na kung naka-helmet ang sakay ng motorsiklo o kaya ay naiirita ang
mga nakakarinig na drivers.

Nakaka-apekto rin aniya sa pandinig at vision ang malalakas na ingay na
posibleng makaapekto sa mga drivers at motorista. (Malou Escudero)

http://www.philstar.com/Article.aspx...bCategoryId=92